Хүннүң кады – сеткилимде,

Хүлүмзүрүүң мени өөрткен.

Хүн дег чырык көрүштүг сен.

Күзелим сен, Тывам кызы.

Эртенгиниң хаяазы дег

Эъдим-ханым чылыдып кээр,

Эртер оруум деткикчизи,

Эжим болган Тывам кызы.

Мендилежип чайгангылаар

Мээң чуртум чечектери,

Мээстерден сырын ырың

Меңээ эргим, Тывам кызы.

Ишкээр хемче чайынналган

Имиртиңде сылдыс чырыы,

Ишти-хөңнүм чамдыы болган

Изиг ынаам Тывам кызы.