ДАЙЫН ШӨЛҮНЧЕ ЧОРУПКАН ЭР КИЖИГЕ КАМГАЛАЛ КЫЛЫРЫ

Украинада тускайлаттынган шериг операциязынче чорупкан азы амгы үеде чоруур деп турар эр хиндиктиг чонувустуң чоок кижилери, өг-бүлелери анаа-ла манап олурбайн, шыдаар шаа-биле Тиилелгени чоокшуладыр сорулгалыг дузазын кадып олурары чажыт эвес. Ону “Кызыл кош” деп чоннуң шимчээшкининиң ажылындан кижи бүрүзү көрүп турар. Ол ышкаш аваларның, даай-аваларның, угбаларның, кенээттерниң, ажы-төлдүң оолдары, чээннери, акылары, дуңмалары, алган ашаа, адазы дээш сагыжы аарып чоруур. Төрээн Тывазында манап арткан чон чүгле материалдыг дузазы-биле эвес, чүдүлге-сүзүү-биле оолдарын камгалап ап болурунуң аргазы бар. Ол аргаларны рубрикавыстың кол маадыры болгаш эксперди хам Ялэва тайылбырлады.

- Камгалалды чүден кылып болур?

- Камгалалдарны Тывавыстың улуг арттары: Тес-Хем, Эрзин, Бай-Тайга, Бии-Хем, Тожу дээш – шуптузун кезип тургаш чыып алган довурак-дойум-биле кылгаш, пөс иштинче даарааш, Украинада оолдарже чортуп турар бис. Олар ап турар чорду. Чоокку үеде чоргускан камгалалдарывыс Ростовтан тарай берген болду. Ынчалза-даа ону чаңгыс кижи кылып, чүс-чүс оолдарга тарадыптары берге айтырыг. Бүдүн-даа чыл чааскаан даараар болзумза, шуптузунга чедиштирип четтикпес мен, - деп Ялэва хам хараадады.

Бо үеде чоок кижиңерни кыйгырты берген болза, азы ачаңар, өөңер ишти, акыңар, дуңмаңар чоруур дээш белеткенип турар болза, камгалалды хам кижиге кылдыртыры албан эвес. Чурттап олурар оран-савазының довураан, ада-иезиниң чуртунда бедик арт кырынга баргаш, сүдүңерни чажып, чалбарып тургаш, бичии дашты, бичии дойну дилеп алгаш, меңгизиниң аайы-биле тааржыр өңнүг торгуга даарааш, берип болур силер. Ынчан чер ээзи камгалалдың эдилекчизин карактаар. Онзалап демдеглээрим – кижи кылаштап каапкан черден дой-довурак ап болбас. Арыг, кижи баспаан, бокталдырбаан черден алыр ужурлуг. Ындыг камгалал күштүг болур.

-Хөй ажы-төлдүг аданың камгалалы

 -Хөй ажы-төлдүг улус база чоруп турар-дыр. Канчап-даа келирге ада кижиниң ханы ажы-төлү-биле тудуш болур. Ынчангаш дойдан, даштан камгалал кылып тура, ажы-төлүнге ону тутсуп, чаш ажы-төл адазының адын адавышаан, камгалалды артыжап бээр болза – камгалакчы күжү көвүдээр. Чижээ, авазы даарааш, улуг оглунга бээр. Ол оол: “Ачам дириг чанып келзин!” - деп артыжааш, чер ээлеринден диленгеш, ачазынга ап бээр азы чортуп бээр. Довуракты, бичии дашты алган чериңерниң ээзи ону дыңнааш: “Бо кижиниң ажы-төлү диленип турар-дыр”, - деп билип, дузаны кадар, карактап-кадагалаар.

А бис – хамнар адын адавайн, ниитизи-биле кылып турар бис. Ук камгалалдың кымга чеде бээрин билбес болгай бис. Ынчалза-даа чер ээлеринден камгалалдың эдилекчизинге күчү-сорукту, чуртунче дириг эглип келирин дилеп турар бис.

-Чаа өгленген аныяк эр кижиниң камгалалы

-Чаа тургустунган аныяк өг-бүлениң эр ээзи дайын-чаа чоруп турар чүве болза, кыс эжи база күштүг камгалалды кылып берип болур. Катап чаңчылдарывысты диргизип эгелээн болганывыста, дыка хөй өг-бүлелер уруг айтырган ёзулал үезинде азы кудага келин кыстың чажын ийи чара өөрүп, чавагазын ызыртып бээр апарган. Ынчаарга аныяк кыс эжинге камгалал кылып тура, чавагазының салбактарындан бичии-ле дүктү азы хендирни кескеш, дой-биле холааш, торгу иштинче катай даарап бээр. Кыс кижиниң чажында баглаан ийи чавагазы ийи аймакты демдеглеп турар. Ийи аймактың ханнары катчып, чаш төл бодарадыр ава апаар ышкажыл келин кыс. Ынчангаш чавагада, кыс кижиниң чажында ийи аймактың күжү катчып турар. А камгалалда кирген чавага салбактары эр кижини кадайының чанынче тыртып турар болур. Ол эр кижи албан ол ийи аймакче, өөнүң иштинче эглип келир ужурлуг.

-Кара чаңгыс оолдуң камгалалы

-Ада-иезиниң дын чаңгыс оглу болурда, кады кырыыр эжи чок оолдар чоруп турда ие кижиниң күжү улуг. Оглунга камгалал кылырда ооң төрүттүнүп келгенде хинни дузалаар. Авазы оглунуң адын адавышаан, хинни артыжап, тейлээр болза, оглунга эки салдарлыг болур. Төл төрүттүнерге хиннин аңгы пөске ораап, камгалал кылыр чүүлдүң утказы ол. Оглуңар чаш турда хиннинден камгалал кылбаан бол, ынчалза-даа ол хинни бир черде шыгжатынып чыдар болза, камгалалдан даарап алыңар. Оглуңар 20, 30, 40-даа харлыг болза. Тускайлаттынган шериг операциязынга маадырлы-биле тынын берген чеже оолдуң 49 хонуун кывыспадым дээр? Каш-даа харлыг оглу чок болурга ие кижиге аарышкылыг. Авалар моорап дүжүп, деңгерилбейн баар таварылгаларны көрүп чор мен. Ынчангаш Тываның иелерин хүннүң тейлеп чоруурунче кыйгырып тур мен.  

Хам Ялэва-биле чугааны Роланда Сандан чоруткан Алдынай Салчак бижээн

ОБЕРЕГ ДЛЯ ВОИНА

Близкие и родные военнослужащих сейчас не сидят без дела. Каждый житель республики принимает посильное участие в деле приближения Победы. Об этом можно судить даже по работе народного движения «Кызыл кош» («Красный обоз»). Душа за своих родных болит у родителей, родственников, жён и детей. Помочь сыну, внуку, племяннику, брату, мужу и отцу можно не только материально, отправляя на фронт гуманитарный груз. Нужно молиться, проводить обряды и делать обереги. Подробнее о том, как своими руками можно сделать оберег, нам рассказала эксперт рубрики шаманка Ялэва. 

Из чего делают обереги

– Я бываю на всех больших перевалах республики и там прошу у хозяев местности материал для изготовления оберегов. Им может стать земля или несколько мелких камешков с перевала. Их я зашиваю в национальный шёлк и отправляю военнослужащим, участвующим в специальной военной операции. Знаю, что наши ребята их получили. Например, последняя партия оберегов доехала до Ростова, а там их разобрали служащие различных воинских частей. Однако сделать обереги для всех бойцов одному человеку невозможно. Даже если я буду шить их каждый день в течение года, то все равно не смогу обеспечить всех наших ребят, – сетует шаманка.

Если в данный момент вашего близкого человека мобилизовали, то не обязательно идти к шаману, чтобы тот сделал оберег. Можно взять немного земли с места, где живёт этот мужчина, добавить земли с малой Родины его родителей, зашить в шёлк подходящего его году рождения цвета (менги) и подарить отправляющемуся на фронт. Однако выбирать землю или камушки нужно с умом. Сначала необходимо спросить разрешения у хозяина местности, оставить угощение или окропить землю молоком. Землю или камни нужно брать с чистого места, где нет мусора и не ходили люди. Только такой оберег будет иметь силу.

Оберег для многодетного отца

– Знаю, что в специальной военной операции участвуют и многодетные отцы. Для них можно сделать особенный оберег. Так как отец и ребёнок связаны, то в создании оберега должны участвовать его дети. Сам оберег делается точно так же, как я описала выше. Однако когда он уже будет готов, нужно, чтобы каждый ребенок (если детей несколько) взял его в руки, назвал имя своего отца и попросил у духов помощи, чтобы отец вернулся домой живым и здоровым. После этого нужно окурить оберег артышем (можжевельником). Их просьбу обязательно услышит хозяин местности и поможет папе детей.  

А мы ­– шаманы – делаем оберег, не называя имени будущего хозяина. Мы ведь не знаем к кому он попадёт. Однако каждый созданный нами оберег имеет силу, которую мы выпросили у хозяев Тувы. Эта сила станет подспорьем для наших бойцов.

Талисман для молодожёна  

– Если на фронт отправляется молодой и бездетный мужчина, то оберег для своего мужа может сделать супруга. В республике возрождаются народные традиции и в последнее время на праздниках по случаю сватовства и свадьбах проводят обряд заплетания двух кос и украшения их накосниками – национальным украшением для волос. Таким образом в невесте сливаются две крови, два рода, две семьи. Её волосы становятся вместилищем силы этих двух родов. Поэтому молодая жена, провожая мужа, может сделать ему оберег. Для этого нужна чистая земля с перевала: смешиваем её с нитями из накосника (нужно немного состричь), а потом всё это зашиваем в шёлковый мешочек. Оберег, который будет давать защиту и «притягивать» мужа к жене на родину, готов.

 Оберег для единственного сына родителей

– Оберег для сына, сделанный руками матери, имеет невероятную силу. Для этого потребуется пуповина, которую до сих пор по традиции сохраняют после рождения ребёнка многие семьи. Пуповину нужно зашить в шёлковый мешочек, окурить артышем. Зашивая пуповину, мать должна называть имя сына и просить у духов и хозяев местности здоровья и долголетия для своего сына. Мешочек на тесёмке или цепочке надевается на шею сыну перед отправкой на службу. Сделать такой оберег можно даже если вашему ребёнку 20-30-40 лет. Главное, чтобы была сохранена пуповина.

Самое главное при изготовлении оберегов – нужно делать его с верой и с уважением к духам, нужно вкладывать в него все свое желание и сердце.

Хочу отметить, что вера матери, её молитвы имеют огромную силу. Я к этому времени провела уже много обрядов для наших военнослужащих на 49 день после смерти. Много раз видела, как мамы погибших бойцов падали в обморок, не могли оправиться после смерти сына. Никому такого не пожелаешь. Поэтому всем матерям советую — верьте, что ваш сын вернётся живым, молитесь за него каждый день, проводите обряды, например, тот же ритуал подношения молока или молочного чая восходящему солнцу.

Беседу с шаманкой Ялэвой провела Роланда Сандан, автор текста – Алдынай Тюлюш