Александр Дартан-оолович Ондар Шамбалыг суурга аныяк үезинде 1987 чылдың чайынында Сүт-Хөлдүң Бора-Тайга сумузундан чедип келгеш, ол-ла чылын «Шамбалыг» совхозка чолаачылап ажылдай берген. Оон эгелээш-ле, пенсия назыны четкижеге ол ажылын салбаан. Ооң соонда дуңмазы Андрей Ондар-биле демнежип, арат ажыл-агыйы ажыдып алгаш, мал өстүрүп эгелээннер.   Александр Ондар, чабан Бо хүнде олар ам-даа кады-кожа чурттап, хөй санныг бода, чылгы, шээр малдарны өстүрбүшаан. Ылаңгыя бода мал, чылгы саны дыка өскен. Чүгле дөрт аскырлыг чылгыны безин кадарып-карактаарынга кайы хире күш үнерил, кызымак, ажылгыр кижилер-ле шыдаар. Эрткен чүс чылдың төнчүзү болур 1990 чылдарның  эгезинде Шамбалыг сумузунга ажылдап турган аныяк чолаачы Александр Ондар боду ышкаш ажылгыр, …