КУМ-СУУ

Кум-Суу дээр кургаг элезинниг улуг шөл Хемчик хемниң мурнуу талазында Сесеге биле Ийме аразында чыдар. Ол кургаг элезинниг шөлдүң баарындан кара суг агып үнүп чыдар. Ону Кум-Суу деп адаар.

Шаг шаанда чер-делегей бүдүп турар шагда, Кезер-Чиңгис хүн эргилдезинге уткуй Хемчикти чедип алгаш, чоруп орган. Сесеге ховуларын тавартыр чавыс арттар-биле ажырар дээш чоруп оргаш, Бурганга таваржы берген.

Бурган тургаш:

— Кайы хире бергедеп чору сен? — деп айтырган. Кезер-Чиңгис тургаш:

— Хемчиктиң четтингири амыр-ла чүве-дир, бурундуктуг буга-ла — дээн. Хемчик дыңнааш, хомудап, хорадай хона бергеш, бурундугун ушта тырткаш дезипкен. Хемчиктиң дыңнангыр, четтингирин Кезер-Чиңгис кажан-на мактаар ирги деп манап чораан Хемчик «ооң четтингири бурундуктуг буга дег» дээнин дыңнааш, хорадаан чүве-дир.

Кезер-Чиңгис дезипкен Хемчикти дозар дээш, Сесеге ховузунга турган Бош-Дагны тура тырткаш, Хемчиктиң бажын доза октаан. Хорадап, килеңнээн Хемчик дагларны, хая-даштарны чире шапкаш, Улуг-Хемге каттыжа берген.

Хемчик Кезер-Чиңгистиң холундан бурундуун ушта тырткаш, өскээр дезипкен черинде хөй кум элезин тырлы берген. Ол улуг элезинни Кум-Суу деп адаан. Ол кургаг куу элезинни Хемчик эккеп каан.

КУМ-СУУ

Большая равнина с сухим песком, называемая Кум-Суу, на юг от реки Хемчик между Сесеге и Ийме лежит. Перед этой равниной с сухим песком родник есть. Его Кум-Суу называют.

Давным-давно, когда творение земли-мира завершалось, Кезер-Чингис навстречу солнцу, ведя за собой реку Хемчик, шел. Чтобы перевалить низкие перевалы, через степи Сесеге шел, Бургана встретил.

Бурган:

— Какие трудности у тебя? — спросил.

Кезер-Чингис:

— Хемчик вести так легко, как быка на поводу, — сказал.

Хемчик, услышав такое, обиделась, рассердилась, повод вырвала, сбежала. Хемчик ждала, когда Кезер-Чингис похвалит, насколько ее легко вести, но что она послушна, как бык на поводу, услышав, рассердилась.

Кезер-Чингис, чтобы сбежавшую Хемчик перехватить, в степи Сесеге стоявшую гору Бош-Даг вырвал, наперерез истоку Хемчик бросил. Сердитая, разгневанная Хемчик, по горам идя, скалы-камни прорвала, с Енисеем соединилась.

Где Хемчик, у Кезер-Чингиса повод вырвав, сбежала, на той земле много песка осталось. Эти большие пески Кум-Суу назвали. Этот сухой серый песок Хемчик принесла, оставила.

Кум-Суу (Кум-Суу). Зап. А.Д. Арапчор в 1987 г. от Д.Д. Ондара, 1920 г.р., в м. Алдыы-Ишкин Сут-Хольского р-на ТувАССР. РФ ТИГИ, т. 285, д. 2100, л. 1.

ЧЕЛЭЭШ КЫРЛААН СЫЫН

Бии-Хемде Сыын-Тайганың Ортаа-Көк-Бутка бир аңчы аңнап чораан. Даг ажылдыр кезек кара булут үнүп келгеш, чаъстай каапкан. Чеди өңнүг челээш тыртыпкан.

Челээштиң бир ужу аңчының олурган чериниң баарында Караңгы-Оюк деп черниң көшкезинде кээп үскен. Ол черден онзагай чараш хевир сынныг он сес адыр өл мыйыстыг сыын самнап үнүп келген. Шынап-ла, сыынның чараш деп чүвези хола-биле шуткуп каан-на чүве, мыйыстары алдынналдыр херелденип турар. Сыын ногаан шөлче үнгеш, кезек долгандыр маңнагылаан соонда, бажын өрү алзы көдүргештиң, челээшти кырлап үнүпкен. Челээштиң   ортузунда   өңнү   өрү   сыын   кырлап   бар чорааш көзүлбейн барган.

Аңчы ол сыынны көргеш, сыын-даа аңнавайн аалынче чанып келген. Ол-ла хевээр ол аңчы сыынче боо углаваан.

МАРАЛ, ПРОШЕДШИЙ ПО РАДУГЕ

В Бий-Хеме, в местности Орта-Кок-Бут в Сыын-Тайге, один охотник охотился. Однажды из-за гор черные тучи поднялись, дождь пошел.  Потом  семицветная радуга появилась.

Один конец радуги напротив засады охотника на склон в местности Карангы-Оюк опустился. На том месте необыкновенно красивый на вид марал с восемнадцативетвистыми свежими рогами, пританцовывая, появился. В самом деле, марал был так красив, как будто из меди отлит, а рога, как золотые, сияли. Марал на зеленый луг вышел, недолго вокруг побегал, голову высоко подняв, по радуге подниматься стал. По среднему цвету радуги вверх марал шел и исчез из виду.

Охотник, того марала увидев, на маралов не стал охотиться, в свой аал вернулся. С тех пор тот охотник на маралов-зверей ружья не поднимал.

Челээш кырлаан сыын (Марал, прошедший по радуге). Зап. А.Д. Арапчор в 1987 г. от Ч.М. Маады, 1917 г.р. РФ ТИГИ, т. 281, д. 2082, л. 14.

ДИИРЕҢ-БИЛЕ ШЫДЫРААЛААН

Тарлагның Дуруглуг-Хем биле Дедир-Аастыг-Хем аасташ хемнер. Ол аастаашта кончуг чараш оймак бар. Шаанда бир аңчы аңаа диирең-биле хөл шыдыраа ойнаан дээр.

Мыйыс үезинде биеэ аңчы аңаа, ол аяңга, одагланып олурган-дыр эвеспе. Кежээ апарганда ооң артында бир кижи кылаштаан ышкаш болган. Артындан бир кижи:

— Сээң аңнаарың кончуг болгай, хөл шыдыраа ойнаарың база кончуг боор але? — деп айтырган.

Аңчы хая көрнүп көөрге, чүве-даа көзүлбес болган. Аңчы бодангаш:

— Бичии ойнаптар-ла кижи мен, шыдыраа чок канчаар бис? — деп-тир эвеспе.

— Менде шыдыраа бар — дээн соонда, ооң баарынга хөл шыдыраа салдына берген.

— Че, эгелээр бис бе? — деп, көзүлбес кижи чугаалаан.

— Че, эгелээй-ле бис — дээш, аңчы оолду идип каан. Көрүп олурарга, кижи холдары көстүп келген.

Аңчы элээн бодангылааш, бир боданы артыкка чиптерге, кижи холдары эгиннерге чедир көстүп келген. Ээлээн болганда, аңчы удуп ап-тыр эвеспе.

Көрүп олурарга, хола хаайлыг, улуг ала карактарлыг эр кижи көстүп кээп-тир эвеспе. Ол олургаш:

— Шыдыраалаар-даа, аңнаар-даа эр-дир сен. Ам канчаар, бир шарыдан бээр бооп тур мен ийин — дээш, чиде берген.

Аңчы эртен чер чаа-ла чырып орда, аңнап үнгеш, он дөрт адыр өл мыйыстыг улуг сыын ужуруп ап-тыр эвеспе.

ИГРА В ШАХМАТЫ С ДИИРЕНОМ

В местности Тарлаг реки Дурулуг-Хем и Дедир-Аастыг сливаются. У этого слияния очень красивая поляна есть. Давно один охотник там в шахматы с дииреном сыграл, говорят.

Во время охоты на марала охотник на той поляне свою стоянку устроил и там был. Когда вечер наступил, позади него человеческие шаги будто бы  раздались. Сзади кто-то спросил:

— Ты хороший охотник, в шахматы играешь тоже хорошо, наверное?

Охотник повернулся, но никого не увидел. Охотник, подумав, ответил:

— Я немножко играю, но без шахмат как нам быть?

— У меня шахматы есть, — сказал тот, и перед ним шахматная доска с расставленными фигурами появилась.

— Ну что, начнем? — невидимый человек спросил.

— Давай начнем, — ответил охотник и пешкой сходил. Когда сидел и смотрел на доску, человеческие руки показались.

Охотник, хорошо подумав, одну лишнюю легкую фигуру срубил, человеческие руки до плеч показались. Некоторое время прошло, охотник выиграл.

Сидел смотрел — мужчина с медным носом, с большими пестрыми глазами показался. Он:

— И в шахматах, и в охоте ты настоящий мужчина. Что ж, придется мне одного вола тебе дать, — сказал и исчез.

Охотник утром, как только на земле рассвело, на охоту вышел и огромного марала с четырнадцативетвистыми свежими пантами свалил.

Диирең-биле шыдыраалаан (Игра в шахматы с дииреном). Зап. А.Д. Арапчор в 1987 г. от М.А. Даржаа, 1938 г.р., образование среднее. Рассказ слышал от своего отца Андрея Даржаа.

АҢЧЫНЫҢ ДИИРЕҢДЕН АДЫРЛЫП АЛГАНЫ

Аңнап чораан улгады берген ак салдыг ашак тайганың тайгазынга аза бергештиң, туманныгда аскан соонда, дүнелеп-кежээлеп сылдыстар четчи берген соонда, одаан салып алгаш турда, чаашкын чаап кээри билек, оду өжүп каарга:

«Ам черле орук тыппас болзумза, кайнаар-даа баар оруум чок-тур» — дээштиң, орук дилеп аът оруу-биле чоруп бар чыдырда, холундан кижи четтинипкен ышкаш болган. Оон диирең-дир деп боду билип каапкан соонда, тогбаан. Бир эвес сырбаңнаан болза, ол кижиниң чүрээ ол черге чарлып өлүп каар турган. Четтиниптери билек, ам ол бодунуң кодан хоюнче, аалынче чанар аът херек боорга: «Бо дораан чоруткаш, меңээ аъттан эккеп бер» — дээрге, чоруткаштың аътты эккеп бээри билек:

— Ам чүнү эккеп бээйн, мени айбылаар силер бе? 

— Ам сен чоруткаштың, Айны меңээ эккеп бер — дээштиң айбылаптарга, ынчаар ол диирең келбейн барган. Айны ам дээрден ап шыдавас болган. Аътты диирең кайыын-даа aп aap.

Ынча деп дыңнаан мен.

КАК ОХОТНИК ИЗБАВИЛСЯ ОТ ДИИРЕНА

Один белобородый старик, который охотился в тайге, после того как в туманный день заблудился в глухой тайге, заночевал там. И когда звезды стали ярче, и когда он разжег огонь, начался дождь и погас его огонь,  он подумал: «Если сейчас не найду дорогу, некуда мне деваться», — и только направился в поисках дороги, оказалось, что кто-то взял его за руку. Как только он понял, что это диирен, он перестал беспокоиться. Если бы вздрогнул в испуге, сердце того человека на том же месте могло разорваться от испуга. Как только диирен взял его за руку, оттого что в этот момент старику нужна была лошадь, для того чтобы он смог вернуться к стаду овец, сказал старик диирену: «Немедленно отправляйся и достань для меня коня», — пошел. Как только привел коня, диирен спросил:

— Что мне сейчас достать для тебя, прикажете ли чего?

— Сейчас отправляйся и достань для меня Луну, — приказал старик, и так тот диирен больше не появлялся. Оказалось, Луну с неба не может достать. Коня же диирен достанет где угодно.

Такое я слышал.

[Аңчының дииреңден адырлып алганы] ([Как охотник избавился от диирена]). Зап. Н.А. Алексеев, У.А. Донгак 4 октября 2001 г. от Ай-Суу Адыг-ооловны Насык-оол, 14 лет (9-й класс Шуйской средней школы), в с. Шуй Бай-Тайгинского кожууна РТ.

ЭЖИК МАНААН АЗА

Бир кижи кончуг чоок таныжының аалынга, каш-даа чылда барып четтикпейн тургаш, чеде берген. Боду караң көрнүр кижи чүве-дир. Ол таныжының өөнүң чанынга чеде бергеш көөрге, өг эжииниң кастыында аза турар болган.

Караң көрнүр кижи тургаш:

— Мында чүге туруп алган сен? — деп айтырган.

Аза тургаш:

— Бо өгге кирер дээш, чеди чыл иштинде кирип чададым — дээн.

Караң көрнүр кижи тургаш:

— Чүге чеди чыл иштинде бо өгге кирип чадааның ол, мырыңай эжик аксында ышкажыл сен? — деп айтырган.

Аза тургаш:

— Бо өгге чүгле черден чинчи болгаш чирбеш тып эккелген кижи-биле кады кирип болур мен, чеди чылда манаарымга-даа кым-даа келбеди — деп, аза хомудаан.

Караң көрнүр кижи азаны:

— Маңаа кажан-даа чинчи болгаш чирбештиг кижи келбес, сен ыңай ырап, чоруур чериңче чору! — дээш, сывыртап чорудупкан.

АЗА, ЖДУЩИЙ У ДВЕРИ

Один человек к своему очень близкому приятелю в аал, где несколько лет не был, приехал. Он мог видеть духов, оказывается. Когда он к юрте приятеля подошел, то увидел, что у косяка двери в юрту аза стоит.

Видящий духов человек:

— Почему ты здесь стоишь? — спросил у него.

 Аза на это:

— В эту юрту войти хочу, но семь лет проникнуть не могу, — ответил.

Видящий духов человек тут:

— Почему семь лет в эту юрту войти ты не мог, ведь совсем рядом с дверью стоишь ты? — спросил.

Аза на это:

— В эту юрту только с человеком, нашедшим на земле бусинку или раковинку, зайти я могу, семь лет жду, но никто еще не пришел, — пожаловался.

Видящий духов человек этому аза:

— Сюда никто с бусинкой или раковинкой не придет, отсюда подальше уходи, куда хочешь! — сказал, прогнал его.

Эжик манаан аза (Аза, ждущий у двери). Зап. А.Д. Арапчор в 1987 г. от Е.К. Ламажап в г. Кызыле. Исполнительница слышала этот миф от своей матери. РФ ТИГИ, т. 283, д. 2089, л. 33.